Փարիզում, Թուլուզում և ԱՄՆ-ում մասնագիտական ​​իրավաբանական կրթություն ստանալուց հետո Սևան Կարյանը հիմնել է «АSK» իրավաբանական ընկերությունը, որը նվիրված է բիզնես իրավունքին, պայմանագրային իրավունքին, աշխատանքային իրավունքին և ծավալում է գործունեություն հիմնականում սպորտային աշխարհում։ 

Սևան Կարիանը միշտ առանձնահատուկ սեր է ունեցել դեպի ֆուտբոլը։ Նա հանդիսանում է խորհրդատու և օգնական մի շարք պրոֆեսիոնալ մարզիկների, մարզիչների և սպորտային գործակալների իրենց կարիերայի, իմիջի և տնտեսական շահերը պաշտպանելու հարցում, ինչպես նաև աջակցում է մի շարք ընկերությունների, պրոֆեսիոնալ ակումբների,  ֆեդերացիաների, ասոցիացիաների, սպորտի ոլորտի ֆրենչայզների և բրենդների տարբեր իրավական հարցերում և վեճերում թե՛ Ֆրանսիայում  թե՛ արտերկրում:

Զուգահեռ նա դասավանդում է սպորտային իրավունք և դրա հարակից առարկաներ Ֆրանսիայի և Իսպանիայի տարբեր դպրոցներում և համալսարաններում։

Մշտապես մտահոգված լինելով Հայաստանի զարգացմամբ և հայ երեխաների կյանքով՝ նա հիմնադրել է «Հայ երիտասարդական ընկերությունը» (AYO (Armenian Youth Organization) 2003թ-ին, որով նա վերականգնել է ավելի քան 15 կրթական հաստատություններ և բերել է ավելի քան 500 կամավորներ որպեսզի իրականացնի Ամառային ճամբարներ Հայաստանի հեռավոր գյուղերում։ Նա հիմնադրել է Սարդարապատ ՖԱ-ն 2021 թ-ին որպես իր ստանձնած առաքելության նոր շարունակություն՝ ցանկանալով Հայաստանին տրվող աջակցությունը բերել նոր մակարդակի։